JavaScript: noldan amaliy loyihalargacha

JavaScript — veb-sahifalarni “jonlantiruvchi” dasturlash tili. Tugma bosilganda oynacha chiqishi, forma tekshirilishi, ob-havo ma’lumotining yuklanishi — bularning barchasi JavaScript yordamida amalga oshiriladi. Kurs tilning asoslaridan boshlab, server bilan ishlashgacha bo‘lgan mavzularni qamrab oladi va bir nechta amaliy loyiha bilan mustahkamlanadi.

Kurs tuzilmasi

• Kirish — JavaScript’ni sahifaga ulash, brauzer konsoli.
• Ma’lumot turlari — o‘zgaruvchilar, string, number, array, null va undefined, taqqoslash, turlarni o‘zgartirish.
• Shartlar va sikllar — for, while, if/else, mantiqiy operatorlar, switch, scope.
• Funksiyalar — e’lon qilish usullari, parametrlar, return, arrow function, callback, forEach.
• Obyektlar — metodlar, this, Math obyekti.
• DOM va hodisalar — elementlarni tanlash va o‘zgartirish, classList, click va submit hodisalari, RegEx, klaviatura hodisalari.
• Zamonaviy JavaScript — filter, map, sort, ternar operator, LocalStorage, setTimeout, destructuring, Date.
• Asinxron JavaScript — AJAX, HTTP so‘rovlar, JSON, Promise, Fetch API, async/await, xatoliklar.

Kursdagi amaliy loyihalar

• Modal oyna
• Tasodifiy rang gradienti generatori
• LocalStorage’li vazifalar ro‘yxati (Todo List)
• Zar o‘yini (Dice Game)
• Tasodifiy foydalanuvchi kartasi (API bilan)
• Ob-havo ilovasi (Weather App)

Tavsiya

Kurs katta — 20 soatdan ortiq. Har bir amaliyot darsini to‘xtatib-to‘xtatib, kodni o‘zingiz yozib boring. Loyihani tugatgach, unga bitta yangi funksiya qo‘shing — masalan, Todo List’ga “bajarildi” belgisi yoki ob-havo ilovasiga shahar tanlash. Kursni boshlashdan oldin “HTML va CSS: birinchi saytingizni yarating” kursini tugatish tavsiya etiladi.

Kurs muallifi va video manba

Ushbu kursdagi barcha video darslar Akhror Web YouTube kanaliga tegishli. Informatik.uz videolarni o‘z serverida saqlamaydi — ular YouTube’ning rasmiy pleyeri orqali ko‘rsatiladi, barcha huquqlar muallifda qoladi.

• Kanal: Akhror Web — https://www.youtube.com/@akhrorweb
• Asl pleylist: https://www.youtube.com/playlist?list=PLNS3PujVHR-ay0HpqbsPWccgEhJZk6K9u

Muallifni qo‘llab-quvvatlash uchun kanalga obuna bo‘ling, videolarga layk bosing va savollaringizni video ostidagi izohlarda qoldiring.